«Жапонияны артта қалдырдық»: Қазақстан интернет жылдамдығы бойынша нешінші орында

Speedtest Global Index 2025 жылдың екінші жартыжылдығында ең жылдам интернеті бар елдердің рейтингін жариялады. Мобильді интернет жылдамдығы бойынша Қазақстан 45-орынға жайғасқан, деп хабарлайды POLITICO.KZ.

Салыстырмалы түрде жазсақ, Қазақстан Канада (46-орын), Италия (50), Испания (52), Германия (56), Ұлыбритания (57), Жапония (64) сынды дамыған мемлекеттерден жоғары тұр. Еліміз екінші жартыжылдықта 94,54 Мбит/с орташа жүктеу жылдамдығын еңсерген.

Қалалар рейтингі бойынша да Астана мен Алматы жоғары көрсеткішке ие.

Астана – 62-орын, 132,13 Мбит/с болса, Алматы 63-орынға (130,72 Мбит/с) тұрақтаған, тиісінше Токио 94-орында тұр.

Ал кеңжолақты интернет бойынша Қазақстан 89-орынға тоқтады. Орташа жылдамдық – 82,47 Мбит/с.

Мобильді интернеттің көшбасшылары БАӘ (652,87 Мбит/с), Қатар (515,23 Мбит/с) және Кувейт (384,40 Мбит/с). Ең төмен көрсеткіш(13,96 Мбит/с) Боливияға тиесілі.