Жол ережесін бұзғандарға жаңа айыппұл салынады

13 наурыздан бастап Қазақстанда Әкімшілік кодекске енгізілген өзгерістер күшіне енді, деп хабарлайды POLITICO.KZ.

Сонымен жаңа ережелер:

Көлік салонынан басын шығару, есікті қозғалыс кезінде ашу немесе жүксалғышта отыру – 10 АЕК (шамамен 40 мың теңге). Бұл жаза жүргізушілерге де, жолаушыларға да қолданылады.
Мүгедектігі бар жүргізушілердің қарама-қарсы жолаққа шығуы – 30 АЕК (118 мың теңге). Бұрын мұндай жаза қарастырылмаған.
Теміржол өткелінен өту ережесін бұзғаны үшін айыппұл 10 АЕК-тен 20 АЕК-ке дейін өсті.
Жедел жәрдем мен полиция көлігіне жол бермегендер үшін жаза үш есеге өсті – 7 АЕК-тен 20 АЕК-ке дейін, қайталанған жағдайда – 40 АЕК.
Жол-көлік оқиғасына (ЖКО) себепші болып, қарама-қарсы жолаққа шыққан жүргізушілер бұрын 6 айға құқығынан айырылса, енді 9 айға айырылатын болды.

Жеңілдетілген жазалар:

ЖКО-да зардап шеккендер болмаса, бұрын 6 айға жүргізуші куәлігінен айыру қарастырылса, енді 20 АЕК (78 мың теңге) көлемінде айыппұл салынады.
Төленбеген тұрақ үшін айыппұл 3 АЕК-тен 4 мың теңгеге дейін төмендетілді.
Жаңа өзгерістер жол қауіпсіздігін арттыруға бағытталған.

#айыппұл