"Зорлап, 25 рет пышақтап, қоқысқа лақтырған": Шымкенттегі қанды қылмыстың сұмдығы ашылды

Шымкентте 21 шілдеден бері іздеуде болған 26 жастағы қала тұрғынының денесі қоқыс жәшігінен табылды, деп хабарлайды POLITICO.KZ Stan.kz-ке сілтеп. 

26 жастағы Диана Оңғарбаева 21 шілде күні  Telegram арқылы жұмыс тауып, кешкі 5-терде бір үйге барады. Онда тек жөндеу жұмысын жүргізіп жатқан жұмысшылар болған көрінеді.  Қыз қызметін жасап болған соң  еңбегінің ақысын сұраған бірақ оның орнына келіншекті зорлап, кейін денесінің сау-тамтығын қалдырмаған, дейді туыстары. 

Қызды өлтірді деген күдікпен 16 жастағы бала ұсталып, қамауға алынды.