«Менде қорқыныш жоқ». Шерзат Болаттың әкесі тағы да шұғыл үндеу жасады

Талғарда бүгін түнде үйі өртенген марқұм Шерзат Болаттың әкесі Қаржаубай Нұрымов тағы да қазақстандықтарға үндеу жасады.

Құрметті қазақ елі, мен ешқандай қантөгіс болмағанын қалаймын. Ешқандай қантөгіс болмасын. Бұл жерде кеше түннен бері құзырлы органдардың барлығы жүр. Қылмыскерлердің барлығы жауап береді деген сенімдемін. Сол себепті, жігіттер, мен өзім үшін қорықпаймын ешқашан. Қай кезде де, кім келіп жатса да, өзім сөйлесе аламын. Сол үшін тыныш елді дүрліктіріп, қан төгіп, біреулердің обалына қалмайық. Айтарым осы. Жоғарыдағы кісілерге де айтарым осы. Ешқандай қантөгіс болғанын қаламаймын. Қай кезде болсан әділетті Қазақстан болатынына сенемін. Менде қорқыныш жоқ. "Қорықты" деген әңгіме болмасын. Бірақ даладан келген жау жоқ. Бір қазақты бір қазақ өлтіріп, атып жатқаны дұрыс емес, - дейді ол.

Айта кетейік, он алты жастағы Шерзат Болатты бір топ қаруланған адамдар өлтіріп кеткен еді.

талғар үндеу