Павел Дуровтың қамалуы: БАӘ Франция билігіне ескерту жасады
Біріккен Араб Әмірліктері Франция үкіметінен қазір Парижде қамауда отырған Telegram бас директоры Павел Дуровқа консулдық рұқсат беруді сұрады, деп хабарлайды Politico.kz Kazinform.kz ақпарат агенттігіне сілтеме жасап.
БАӘ Сыртқы істер министрлігі өз мәлімдемесінде Біріккен Араб Әмірліктері Францияны Дуровқа «барлық консулдық қызметтерді» ұсынуға шақырып, азаматтарға қамқорлық жасау «бірінші кезектегі міндет» екенін мәлімдеді.
Сондай-ақ БАӘ Павел Дуров қамауға алынғаннан кейін және оның қамау мерзімі ұзартылғаннан кейінгі әрбір ісі мұқият қадағаланып отырғанын айтты.
– БАӘ Париж-Ле-Бурж әуежайында француз билігі қамауға алған Telegram негізін қалаушы Павел Дуровтың ісін жіті қадағалап отыр. Азаматтарға қамқорлық жасау, олардың мүдделерін қорғау, олардың ісін бақылау және барлық көмек түрлерін көрсету БАӘ үшін басты басымдық, – делінген ведомство мәлімдемесінде.
Еске салсақ, бұған дейін Франция президенті Павел Дуровтың ұсталуына қатысты пікір білдірген болатын.
Фото: ашық дереккөз
ПІКІР ЖАЗУ
