Қанша өміріңіздің қалғанын ауыз қуысы мен бет терісі айтып береді

Жаңа зерттеуге сәйкес қанша уақыт өміріңіздің қалғанын ауыз қуысынан алынған жағынды арқылы білуге болады. Бұл туралы Dailystar порталында жарияланды. Ғалымдардың айтуынша, бұл жаңалық пациенттің аузынан табылған жасушаларды пайдаланып өлу қаупін бағалауға мүмкіндік береді.Адамдар әртүрлі қарқынмен қартаяды, бірақ өмір салтының бірнеше факторлары, соның ішінде стресс, темекі шегу, алкоголь, нашар ұйқы және дұрыс тамақтанбау бұл процесті тездететіні белгілі. Ғалымдар эпигеномды сипаттау арқылы молекулалық қартаюды сандық түрде анықтауға болатынын айтады. Frontiers in Aging журналында жарияланған зерттеуге сәйкес, басқа тіннің эпигенетикалық деректері пайдаланылса да бет терісінің өлім қаупін болжай алатын мүмкіндігі барын айтады. Зерттеушілер өліммен тығыз байланысты метилдену орындарын егжей-тегжейлі зерттеді. Осы учаскелердің айналасында немесе жанында орналасқан гендер өмір сүру ұзақтығына немесе жасқа байланысты аурулардың даму қаупіне әсер етуі мүмкін екені анықталған.