Ақтөбеде төрт күн бұрын жоғалып кеткен баланың денесі өзеннен табылды

Аутизммен ауыратын Кәрім Жетіру 4 маусым күні сағат шамамен 17:00-де ауладан шығып, белгісіз жаққа кетіп қалған. Оны іздеуге 500-ден аса адам жұмылдырылды. Кеше ТЖМ-нің тікұшағы әуеден бақылау жасады. Баланың денесі бүгін табылды,-деп хабарлайды politico.kz.

Кәрім Жетірудің денесі Елек өзенінен, Юрта мейрамханасының маңынан табылды. ​Полиция, еріктілер және бей-жай қарамайтын азаматтар жоғалған баланы іздеуге қатысты. ​Полиция тергеу жүргізіп, қажетті сараптамалар тағайындады. Полиция департаменті туыстары мен жақындарына көңіл айтады, – деп хабарлады Ақтөбе облыстық ПД баспасөз қызметінің жетекшісі Ерболат Сарқұлов.