Алматыда көпірден автобус құлап, көлік кептелісі бірнеше шақырымға жетті

Алматы облысының Қарасай ауданындағы Қаскелең көпірінен автобус құлап кетті. Жол апаты 12 қыркүйекте түнгі сағат 22:00 шамасында болған. Жүргізуші жолда ауырып, қанындағы қант мөлшері көтеріліп кеткен көрінеді. Облыстық полиция департаменті жол апаты бойынша қылмыстық іс қозғады.

12 қыркүйекте Ютонг автобусының жүргізушісі «Алматы-Бішкек» тасжолының 25-шақырымында келе жатып, кері бұрылу маневрін жасаған кезде рөлді басқара алмай қалған. Салдарынан қоршауға соғылып, көпірден құлап кеткені анықталды. Сол кезде Mercedes Benz Sprinter көлігінің артқы жағына түсті. Жол апаты кезінде автобус жүргізушісі ес-түссіз болған, – деп хабарлады Алматы облыстық ПД Жергілікті полиция қызметі бастығының орынбасары Берік Дәкиев.

Қазір автобус жүргізушісі жансақтау бөлімінде жатыр. Ал жол апаты салдарынан кептелісте тұрған көлік саны бірнеше шақырымға жетті. Тоқтап тұрған көліктерді полиция тек 2 сағаттан кейін жолдан өткізе бастады.

#автобус #Апат #кептеліс #көпір

Пікірлер (0)