1 қарашадан бастап ұялы байланыс пен интернет тарифтері өзгереді

Қараша айынан бастап Қазақстандағы бірнеше ұялы байланыс операторы мен интернет-провайдерлер өз қызметтері мен тарифтеріне жаңалықтар енгізеді. Негізгі өзгерістер тарифтік шарттарға, жазылым құнына, ескі 3G желісін өшіріп, жаңа 4G/5G желілеріне көшуге қатысты болып отыр, деп хабарлайды POLITICO.KZ Digitalbusiness.kz-ке сілтеме жасап.

Tele2 / Altel операторлары 3G технологиясын кезең-кезеңімен өшіруді жалғастыруда. Бұл қадам 4G/5G сияқты жаңа буын желілерін дамытуға, сигналдың тұрақтылығын, дауыстық қоңыраулардың анықтығын және мобильді интернет жылдамдығын арттыруға бағытталған.

5 қарашадан бастап 3G желісі келесі қалаларда жұмысын тоқтатады:

• Жамбыл облысы: Қаратау, Жаңатас
• Қарағанды облысы: Абай, Сарань, Шахтинск
• Түркістан облысы: Жетісай

Ал 19 қарашадан бастап 3G желісі Түркістан облысындағы Сарыағаш қаласында да өшіріледі.

Altel

11 қарашадан бастап Altel операторы «Жеке +» тарифінің атауы мен шарттарын өзгертеді. Жаңа атауы «Ерекше +». Бұл жаңарту абоненттердің қазіргі сұраныстарына жауап беру мақсатында жасалған.

• Ескі тариф («Жеке +»): 22 ГБ (3G/4G/5G), 200 минут, 1000 SMS.
• Жаңа тариф («Ерекше +»): 30 ГБ (3G/4G/5G), 200 минут.
• Жаңа шексіз қызметтер: TikTok, Instagram, YouTube, WhatsApp(Бұл өзгерістер 2025 жылдың 31 желтоқсанына дейін жарамды болады).

Beeline

Beeline Қазақстан да бірнеше қызметін тоқтатады:

• 1 желтоқсаннан бастап «Keńse 30» тарифі бойынша Loyalty қызметінің әрекеті тоқтатылады. 30 қарашаға дейін лаундж-аймақтарға кіру және бизнес-таксимен жүру мүмкіндіктері сақталады.
• «Дари Гиги» науқаны аясында гигабайттарды тегін беру 30 маусымда аяқталған. 14 шілдеден 31 қазанға дейін интернет-трафикті беру құны 99 теңге болды. 1 қарашадан кейінгі қызмет шарттары әзірге нақтыланбады, бұл оның толық тоқтатылуы мүмкін екенін білдіреді.
• «Соседи» халықаралық науқаны (жақын шетелдерге қоңырау соғуға арналған жеңілдіктер) 31 қазанда аяқталады.

Kcell және Activ

15 қарашадан бастап Kcell және Activ абоненттері үшін Litres электронды және аудиокітаптар қызметінің құны өзгереді:

• Күніне – 50 теңге
• Айына – 1190 теңге

Компания бұл өзгерісті кітапхананың кеңеюімен және қосымшаның жақсаруымен түсіндірді. Жаңа бағамен келіспеген жағдайда, қызметті *705# пәрмені арқылы өшіруге болады.

Басқа операторлардағы өзгерістер

ASTEL: Starlink-тің авторизацияланған реселлері 1 қарашадан бастап бизнес үшін халықаралық қоңыраулардың тарифтерін көтереді. Бұл Ресей, Армения, Беларусь, Тәжікстан, Түрікменстан, Еуропа, Азия, АҚШ және кейбір аралдық мемлекеттерге бағытталған қоңырауларға әсер етеді.

almaPLUS: Компания «Hot Sale» науқанын 2025 жылдың 31 желтоқсанына дейін ұзартады. Спутниктік жабдықты сатып алған кезде пайдаланушыларға 12 айға «bay» максималды телеарналар пакеті және осы пакетке 99,99% жеңілдік беріледі.

2026 жылға болжам: Тарифтер 15-20%-ға өсуі мүмкін

Жалпы, 2026 жылдың басынан бастап Қазақстанда мобильді байланыс пен интернет бағасы шамамен 15-20%-ға қымбаттауы мүмкін. Операторлар мұны шығындардың өсуімен байланыстырады.