12 адам қаза тапты: Ақтөбе облысында жантүршігерлік апат болды

Бүгін таңертең Ақтөбе облысында болған жантүршігерлік жол апатында қаза болғандар туралы алғашқы ақпарат тарай бастады, деп хабарлайды POLITICO.KZ.

Әзірге белгісі, қаза болғандардың ішінде екі кәмелетке толмаған бала бар: біреуі 2022 жылы, біреуі 2016 жылы туған. Сондай-ақ, бір үйдің адамдары да бар.

«2022 жылы туған баламен бірге әкесі мерт болды. Сондай-ақ, анасы мен 18 жастағы ұлы бірге көз жұмды», - деп хабарлады облыс әкімдігі.

Бүгін, 23 қазан күні «Самара – Шымкент» автожолында, Белқопа ауылының маңында DAF жүк көлігі мен «Газель» жолаушылар көлігі бір-біріне соғылып, 12 адам қаза тапқан еді.