12 жастағы қыз нашар баға алғаны үшін үйінен қашып кеткен: оны 200 ер адам зорлаған

Үндістанда 12 жастағы қыз секс-құлдықтан құтқарылды. Оны үш ай ішінде 200-ден астам ер адам зорлаған. Бұл туралы dailymail.co.uk жазады.

Бангладештік қыз нашар баға алғаны үшін үйден қашып кеткен. Ол мектепте емтиханнан өте алмай, ата-анасының ұрып-соғуынан қорыққан. Полиция мәліметіне сәйкес, қыздың танысы оны шекара арқылы өткізіп, секс-индустрияға сатқан. Үш ай ішінде қызды 200-ден астам ер адам зорлаған.

«Бұл қыз әлі жасөспірімдік жасқа да жетпеген, бірақ оның балалық шағы адам саудасымен айналысатын осындай құбыжықтармен ұрланды», — деді Harmony Foundation ұйымының негізін қалаушы және жетекшісі Абрахам Матай.

Белсенді Мадху Шанкар: «Мен Ваши және Белапур аудандарында қайыр сұрап жүрген кәмелетке толмаған қыздарды жиі көремін. Оларды көбінесе сәби кезінен ауылдардан ұрлап, қалаларға әкеліп, содан кейін қанауға мәжбүр етеді. Оларды бір немесе екі егде әйел бақылайды, олар да қыздарды жезөкшелікпен айналысуға мәжбүрлейді. Тіпті оларға жыныстық жетілуге ерте жету үшін гормондық инъекциялар жасайды», — деді.

Үндістанда балаларға қарсы жыныстық зорлық-зомбылық күрделі мәселеге айналды.

«Child Rights and You» ұйымының талдауына сәйкес, 2016 жылдан 2022 жылға дейін жыныстық зорлық-зомбылық жағдайлары 96%-ға өскен.