12 жастағы қыз туған ағасынан бала босанды

Чехияның Карловы Вары қаласында 12 жастағы қыз бала ауруханаға іштің қатты ауыруы шағымымен жеткізілген. Кейін дәрігерлер оның жүктіліктің соңғы кезеңінде екенін анықтап, көп ұзамай қыз бала дүниеге сәби әкелген.

Бұл туралы iDNES.cz порталы хабарлайды.

Медициналық тексерістен кейін қызбен психолог маман жұмыс істеген. Мамандармен әңгіме барысында ол болжалды әке ретінде өз 16 жастағы ағасын атаған.

Қазіргі уақытта оқиға бойынша Чехия полициясы тергеу жүргізіп жатыр. Құқық қорғау органдары қыздың жасы кәмелетке толмағандықтан, іс туралы егжей-тегжейлі ақпарат беруден бас тартқан. Баланың әкесін нақты анықтау үшін генетикалық сараптама (ДНҚ тесті) тағайындалған.