13 жастағы мектеп оқушысы туған әкесі зорлағанын айтып, көмек сұрады

Санкт-Петербургтің Адмиралтей ауданында тергеушілер кәмелетке толмаған қызға қатысты ықтимал жыныстық зорлық-зомбылықтың мән-жайын анықтауда.

Бұл туралы «Конкретно.ру» Telegram-арнасы жазды.

13 жастағы қыз шілде айының соңында әлеуметтік мекемеге жеткізілген, психологпен әңгімелесу кезінде ол әкесінің зорлағанын айтқан. Мектеп оқушысының айтуынша, бұл оқиға жеті жыл бұрын, яғни ол алты жаста болғанда орын алыпты.

45 жастағы күдікті ұсталды, қылмыстық іс қозғау мәселесі шешілуде. Белгілі болғандай, бұған дейін Санкт-Петербург тұрғыны заңмен қиындықтарға тап болған және билік өкіліне қатысты зорлық-зомбылық қолданғаны үшін шартты жаза алған. Оқиғаның мән-жайы анықталуда.