15 млн теңге қалыңмал: Алтынай Жорабаева құдаларының сый-сияпатын көрсетті

28 шілде 2026, 10:02 1016

15 млн теңге қалыңмал: Алтынай Жорабаева құдаларының сый-сияпатын көрсетті — Фото: видеодан скриншот

Әнші Алтынай Жорабаева әлеуметтік желідегі парақшасында жаңа құдаларының тарту-таралғысын көрсетіп, қуанышты жаңалығымен бөлісті, деп хабарлайды Politico.kz.

Өнер иесі Instagram-да жариялаған бейнежазбада қазақы салтпен өткен құдалық рәсімі, арнайы алып келген бағалы сыйлықтар мен ақ тілектер айтылған сәттер таспаланған.

Желі қолданушыларының назарын аударған басты жайт – құдалардың әншінің қызына 15 млн теңге қалыңмал табыстауы болды. Видеодағы бұл көрініс әлеуметтік желіде қызу талқыға түсті.

"Жаңа құдаларымыздың ақ ниетпен алып келген сый-сияпаттары. Әкелген әрбір тартуына шын жүректен алғыс айтамыз. Береке-бірлігіміз арта берсін!" – деп жазды әнші.

Бейнежазба жарияланғаннан кейін желідегі көпшілік қалыңмал мөлшері мен ұлттық салт-дәстүр төңірегінде түрлі пікір қалдыруда.