«20 жыл қолдадыңыздар»: Қайрат Нұртас ерекше жаңалығымен бөлісті

Қазақстанның танымал орындаушысы Қайрат Нұртас 2025 жылдың 31 қазанында Алматыдағы Орталық стадионда үлкен концерт өткізетінін жариялады, деп хабарлайды POLITICO.KZ.
Бұл туралы әнші күні Instagram парақшасында жазды. Ол бұл концерттің ерекше болатынын атап өтіп, соңғы он жылда алғаш рет үлкен аренаға шығатынын айтты.

«Араға 10 жыл салып, үлкен алаңда өтетін жеке концертімде кезекті рет кездескелі тұрмыз.
20 жылға жуық уақыт бойы менің өнер жолындағы қиын кездерім мен қуанышты сәттерімді бөлісіп, қолдау көрсетіп келе жатқандарыңызға айтар алғысым шексіз! Кездескенше, сүйікті тыңдарман! Мен сені күтемін» – деп жазды әнші.

Әншінің айтуынша, концертке билеттер жақын күндері сатылымға шығады.