27 мың рет «жедел жәрдем» жаңа жыл түнінде көмекке шықты

Қазақстанда жедел медициналық көмек қызметі жаңа жыл түнінде ерекше қарқынды жұмыс істеді, деп хабарлайды POLITICO.KZ.

Шақыртулардың ең көп саны Алматы облысында тіркелген – 3073. Алматы қаласында – 2800 шақырту, Түркістан облысында – 2358, ал Астанада жедел жәрдем 1942 рет көмекке барған.

"Жедел медициналық көмек қызметіне халықтан 27 мың шақырту келіп түсті. Оның ішінде 17 мыңнан астамы 1-3 жеделдік санатына жатса, 4-санат бойынша бригадалар 10 мыңнан аса рет көмекке шықты", – делінген Денсаулық сақтау министрлігінің хабарламасында.

Министрлік мәліметінше, 2024 жылдың 11 айында Қазақстанда жедел медициналық көмек бригадалары шамамен 7,7 млн шақыртуды орындаған.