34 жастағы ер адам суретке түсем деп, жардан құлап кетті

Башқұртстанның Белорецк ауданында 34 жастағы Уфа тұрғыны Айғыр жартасына фото түсіруге барғанда жардан құлап, қаза тапты. Бұл туралы SHOT Telegram арнасы хабарлады.

Оқиға Айғыр шатқалында орын алған. Жас жігіт достарымен бірге табиғат аясында фотосессия ұйымдастырған. Алайда суретке түскеннен кейін, төмен түсу кезінде аяғы тайып кетіп, ол өткір тастарға құлаған. Алған жарақатынан ер адам оқиға орнында жан тапсырған.

Айта кетейік, бұған дейін Өзбекстандағы Камчик асуында селфи жасауға тырысқан екі турист биіктіктен құлап кеткен еді. Ер адамның бірі фотоға түсу үшін жар шетіне жақындап, аяғы тайып кетіп, жанында тұрған досын да құлатып жіберген.