50 жастан асқан Баян Алагөзова ширақтығымен таңғалдырды

Продюсер Баян Алагөзова әлеуметтік желіде спорттық жаттығу жасап жатқан видеосын жариялап, көпшіліктің назарын аударды. Бейнежазбада оның әріптестерімен бірге жаттығу жасап жатқанын көруге болады, деп хабарлайды POLITICO.KZ .

Баян Алагөзова видеода: «Жас екенімізді тексеріп, тест жасап көрейік. Аяғымызды айқастырған күйде қозғалмастан, қолдың көмегінсіз отырып-тұруымыз керек», – деп жаттығудың шартын түсіндіреді.

Продюсер бұл тапсырманы еш қиындықсыз орындап шыққанымен, қасындағы әріптестері оны қайталай алмады. Желі қолданушылары Баян Алагөзованың физикалық дайындығына таңданыстарын білдіріп, оның сергектігін мақтады.