Ақтауда эпилепсиямен ауыратын кішкентай қызды зорлаған педофил 22 жылға сотталды

Ақтауда эпилепсиямен ауыратын кішкентай қызды зорлаған ер адам 22 жылға сотталды,-деп хабарлайды politico.kz

“Немолчи” қоры педофилдің сотталғанын мәлімдеді. Мәлімдеуінше, сотқа дейінгі тергеп-тексеру кезінде қыздың талмасы ұстап, оны жедел жәрдем көлігі алып кеткен. Ал сот тергеуі кезінде қыздың анасы ауруханаға түскен. “Қыздың тәтесі күресуден тайынбады. Қыздың ар-намысын қорғап, адвокаттардың арандатуына төтеп берді”, – деп жазды қор. Олар адвокаттың бұрын сотталғанын да атап өтті. Жәбірленуші қыздың мүгедектігі бар, эпилепсиямен невропатологта есепте тұр. Ал педофил – 5 баланың әкесі. Тергеу шаралары жүргізіліп, оның кінәсі биоматериалдармен толық дәлелденді.