«Әке қызға слабый болады»: Жанболат Найзабековтың әкелік махаббаты елді елжіретті

Танымал әзілкеш, «Өнер қырандары» театрының мүшесі Жанболат Найзабеков «Шай әңгіме» подкастында қызына деген ерекше махаббатын ашық айтып, көрерменнің жүрегін елжіретті, деп хабарлайды Politico.kz

Өнер иесінің айтуынша, әкенің қыз балаға деген сезімі мүлде бөлек.

«Әке қызға слабый болады. Үйде мүлде ұрсыса алмайсың. Менің үш қызым, бір ұлым бар. Қыздарым “әке, қайдасыз?” десе, бірден жетіп барамын. Қазір әйелім емес, қыздарым іздейді. Шешесі ұрсып жатса, басқа бөлмеде отырып: “өй, сөйлеме” деп отырасың. Ұлға келгенде олай емес», – дейді ол.

Жанболаттың бұл шынайы әңгімесі көпшіліктің жылы ықыласына бөленді. Желідегі оқырмандар:

«Нағыз әке екені сезіліп тұр», «Барлық әкелер сіздей болса ғой», «Қыз бала әкесіне әрқашан жақын болады» деп пікір қалдырды.

Көрермендер Жанболат Найзабековтың бұл сөздерін әкелік мейірім мен жауапкершіліктің айқын көрінісі деп бағалап, отбасы құндылықтарын дәріптегені үшін алғыстарын білдірді.