Әли Оқапов отбасылық архивпен бөлісті

Қазақ эстрадасының жарық жұлдызы Әли Оқапов өткенге көз жүгіртіп, отбасылық фотоальбомды парақтады. Ол ата-анасының сирек кездесетін мұрағаттық суреттерін әлеуметтік желіде жариялады, деп хабарлайды POLITICO.KZ.

Жылы әрі ностальгияға толы кадрлардан кішкентай Әли мен оның ата-анасы – Қазақстанның халық артисі Роза Рымбаева мен республикалық «Гүлдер» жастар-эстрадалық ансамблінің бас дирижері Тасқын Оқаповты көруге болады. Суреттерден отбасы мүшелерінің арасындағы мейірім, жылулық пен үйлесімділік сезіледі.

Тағы бір суретте есейген Әлидің тізесінде кішкентай інісі – Мәди Рымбаев отыр. Келесі кадрда Роза Рымбаева қос ұлымен бірге күлімдеп камераға қарап тұр. Артқы фонда суреттер мен картиналар ілінген.

Жанкүйерлер бұл фотоларды ерекше жылы қабылдап, Әлидің отбасыға деген сүйіспеншілігін жоғары бағалады.