Алматы әкімдігі Жириновскийге ескерткіш орнатылатынын жоққа шығарды

Ресейдің ТАСС агенттігі 2026 жылы Владимир Жириновскийге бірнеше қалада, соның ішінде Алматыда ескерткіш орнатылатыны туралы ақпарат таратты, деп хабарлайды POLITICO.KZ.

Агенттік саясаткердің туған жері Алматыда арнайы еске алу шарасы өтетінін жазған болатын.

Алайда Алматы қаласының әкімдігі бұл ақпаратты ресми түрде жоққа шығарды. Әкімдік «Орда» басылымының ресми сұрауына жауап бере отырып, оңтүстік астананың мәдениет басқармасына Жириновскийге ескерткіш орнату туралы өтініш түспегенін хабарлады.

«Алматы қаласының тарихи-мәдени ескерткіштерді қорғау жөніндегі комиссиясы мұндай ұсынысты қарастырған емес», – деп нақтылады әкімдік өкілдері.