«Алматы – Өскемен» тас жолында жаппай жол апаты орын алды

15 қаңтарда «Алматы – Өскемен» республикалық маңызы бар автожолында жаппай жол апаты орын алды, деп хабарлайды POLITICO.KZ.

Оқиға туралы ақпарат пен бейнематериалдар редакцияға оқырмандардан келіп түсті. Олардың айтуынша, жолда тұманның қалыңдығы салдарынан көріну деңгейі нашарлап, қозғалыс қиындаған.

«ҚазАвтоЖол» ҰК АҚ Алматы облыстық филиалының мәліметінше, сағат 8:20-дан бастап ауа райының қолайсыздығына және қалың тұманға байланысты «Алматы – Өскемен» автожолының 25-124 шақырымдары (төлем қабылдау бекетінен Шенгельді ауылына дейін) барлық көлік түрлеріне уақытша жабылды.

Жүргізушілерге жақын маңдағы қауіпсіз орындарға тоқтап, жолда абай болу ескертілді.