Алматыда 7-сынып оқушысының қазасына қатысты тың ақпарат шықты

17 наурыз 2026, 16:10 798

Алматыда 7-сынып оқушысының қазасына қатысты тың ақпарат шықты — Фото: ашық дереккөз

Алматыдағы жекеменшік мектептердің бірінде білім алған оқушының қазасына байланысты құқық қорғау органдары сотқа дейінгі тергеу жүргізіп жатыр, деп хабарлайды Politico.kz.

Қалалық полиция департаментінің мәліметінше, аталған дерек бойынша Қылмыстық кодекстің 105-бабы негізінде іс қозғалған. Алдын ала болжамдарға сәйкес, қайғылы жағдайға оқушының оқу үлгерімі мен бағасына қатысты қиындықтар әсер етуі мүмкін.

Мектеп әкімшілігі марқұм қыздың бұл оқу орнында қысқа уақыт ғана оқығанын мәлімдеді.

«7-сынып оқушысының өлімі оқу орны аумағынан тыс жерде орын алды. Қазіргі уақытта істің барлық мән-жайын құзырлы органдар анықтап жатыр», – делінген ресми хабарламада.

Сондай-ақ білім беру мекемесі оқушылардың қауіпсіздігі мен психологиялық жағдайына тұрақты бақылау жүргізілетінін атап өтті. Марқұмға қатысты толық ақпарат заң талаптарына сәйкес тек тиісті органдарға ұсынылатыны айтылды.

Мектеп Оқушы Полиция Сынып

Бізді Google-дың негізгі дереккөздер тізіміне қосыңыз

Қосу

Алматыда 7-сынып оқушысының қазасына қатысты тың ақпарат шықты

Соңғы жаңалықтар