Алматыда 81 жастағы қарияны ұрлап, мүлкін тартып алмақ болғандар ұсталды

29 сәуір 2026, 18:02 1589

Алматыда 81 жастағы қарияны ұрлап, мүлкін тартып алмақ болғандар ұсталды — Видеодан кадр

Алматыда зейнеткерді тұтқындап, мүлкін иемденбек болған үш адам ұсталды

Алматы қаласында 81 жастағы зейнеткерді ұрлап, оның жылжымайтын мүлкін өз атына жаздыруға әрекеттенген күдіктілер қолға түсті, деп хабарлайды Politico.kz.

Полиция мәліметінше, Турксіб ауданында жалғыз тұратын қарияның жоғалып кеткені туралы құқық қорғау органдарына оның танысы хабарлаған. Іздестіру барысында зейнеткер қала маңындағы елді мекендердің біріндегі тұрғын үйден табылды.

Тергеу барысында күдіктілердің жәбірленушінің сеніміне кіріп, оның әлсіз жағдайын пайдаланғаны анықталған. Олар қарияны еркінен тыс ұстап, психологиялық қысым көрсету арқылы мүлкін өз атына рәсімдеуге көндірмек болған.

Аталған дерек бойынша қылмыстық іс қозғалды. Күдікті ретінде екі ер адам мен бір әйел ұсталып, уақытша ұстау изоляторына қамалды.

Қазіргі таңда тергеу амалдары жүргізілуде.

Депутат Розыбакиев көшесіне Шахановтың есімін беру туралы бастаманы қолдайтынын, бірақ асықпау керегін айтты

Қоқыстан тауып алған Елтаңбаны үйіне ілген блогерге айыппұл салынды

Адам ұрлау Алматы Ақша бопсалау Зейнеткер Полиция

Бізді Google-дың негізгі дереккөздер тізіміне қосыңыз

Қосу