Алматыда автобус екі қызды қаққан сәттің видеосы жарияланды

Алматыда автобус екі бойжеткенді қағып кеткен сәттің видеосы тарады, деп хабарлайды POLITICO.KZ.

Әлеуметтік желіде Алматы қаласында автобустың электросамокат мінген екі бойжеткенді қағып кеткен сәті түсірілген бейнежазба пайда болды. Бейне автобустың бейнетіркеуішінен алынған.

Бұл оқиға 3 қыркүйекте болған. Оқиға салдарынан 2008 жылы туған екі жасөспірім дене жарақатын алып, ауруханаға жеткізілген.

Айта кетейік, Алматыда жыл басынан бері электросамокаттарды пайдаланушылар арасында 11 мыңнан астам құқықбұзушылық анықталған.