Алматыда лай көшкіні болған жерден төрт адамның мәйіті табылды

  «Оқиға орнынан құтқарушылар қаза тапқан 1984 жылы туған ер адам мен 1980 жылы туған әйелдің және 2007 жылғы екі баланың мәйіттерін тауып, алып шықты», - делінген хабарламада. Алдын ала мәлімет бойынша, көшкін басып қалған үйде төрт адам, оның ішінде екі бала тұрған. 8 ақпанға қараған түні техногендік сипаттағы топырақтың батпақтануы салдарынан көлемі 3200 текше метр сел жүргені белгілі болған. Екі жеке тұрғын үй, оның ішінде біреуі ішінара зақымданған. Алдын ала мәлімет бойынша, үйлерде төрт адам болған, оның екеуі балалар. Төтенше жағдайға байланысты Алматы әкімі Ерболат Досаев Медеу ауданының тұрғындарымен кездесуді кейінге қалдырды. Арнайы топ апаттың себебін анықтауда.