Алматыда тағы бір 7 жастағы баланы көлік қағып өлтірді

Алматының Байзақов көшесінде автокөлік 7 жастағы ұл баланы қағып кетті, деп хабарлайды POLITICO.KZ Skifnews.kz ақпарат порталына cілтеме жасап.

Қайғылы жағдай кеше 15:30 шамасында болған. Бала белгіленбеген жерден жолды кесіп өткен. Алған жарақат салдарынан оқиға орнында көз жұмған.

«Jetour автокөлігінің жүргізушісі Байзақов көшесінің бойымен солтүстік бағытта келе жатып, белгіленбеген жерден өтіп бара жатқан 7 жастағы ұл баланы қағып кетті. Соққыдан бала қарсы бағытта келе жатқан Hyundai көлігіне ұшып кеткен. Өкінішке қарай алған жарақатынан оқиға орнында қаза тапты», - деді полиция.

Аталған факті бойынша Алматы Полиция департаменті қылмыстық іс қозғаған.