Алматыға ұшып келген Backstreet Boys тобының мүшелеріне қазақтың тақиясын кигізді

Атақты Backstreet Boys тобы 18 қыркүйекке қараған түні Алматыға ұшып келді, деп хабарлайды POLITICO.KZ.
Ұйымдастырушылар Backstreet Boys - тың ұшағы қона сала американдық әлемге әйгілі топ мүшелерінің басына тақия кигізіп, қолдарына «Қазақстан» шоколадын ұстатып, ыстық ықыласпен қарсы алды. 
Әншілер ұзақ рейстан кейін шаршаңқы көрінгенімен, күлкілерін жасырған жоқ.
Бүгін топ мүшелері демалып, мүмкін болса, Алматыда серуендейді. Ал ертең, 19 қыркүйекте, Орталық стадионда көптен күткен концерт өтеді. Көрермендер үшін есік 15:00-де ашылады, шоу 20:00-де басталады.
Алматыдан кейін Backstreet Boys Астанаға жол тартады: 21 қыркүйекте олар Астана Аренада өнер көрсетіп, өз хиттерін қала тұрғындары мен қонақтарына сыйлайтын болады.