«Ән арнадым»: Жігер Ауыпбаев өзінен 15 жас кіші қызды жылатты

Танымал әнші Жігер Ауыпбаев әлеуметтік желіде өзінен 15 жас кіші сүйіктісімен бірге түсірілген бейнежазбасын жариялап, көпшіліктің назарын аударды, деп хабарлайды Politico.kz

Желіде тараған видеода өнер иесі сүйіктісіне арнайы ән арнағанын айтып, әсерлі сәтпен бөлісті.

«Ән арнаймын деп, жылатып алдым…», — деп жазды әнші.

Аталған жазба желі қолданушылары арасында қызу пікірталас туғызды. Кейбірі жұпқа бақыт тілеп, шынайы сезімді қолдаса, енді бір бөлігі жас айырмашылығына қатысты сыни пікірлерін жасырмады.

Пікірлерде: «Әкесі мен қызы сияқты көрінеді», «Жасы тым жас», «Әкесімен құрдас емес пе?», «Оқушы қыз секілді» деген сынды жазбалар да кездеседі.

Әлеуметтік желідегі бұл видео көпшіліктің талқысына түсіп, өнер иесінің жеке өміріне қатысты түрлі көзқарастың бар екенін көрсетті.