Әнші Raim мотоциклден құлап, желі қолданушыларын елеңдетті

Қазақстандық әнші Raim әлеуметтік желіде мотоциклдермен түсірілген видео жариялады, деп хабарлайды POLITICO.KZ.

Кадрларда таулы-тастақты жерде екі мотоцикл келе жатыр. Алдыңғысында – Ерке Есмаханның алғашқы некесінен туған үлкен ұлы Мүслім. Арттағы адамның жүзі анық көрінбейді, бірақ жанкүйерлер оның Raim екенін болжады. Соңында арттағы байкер тасқа соғылып, құлап қалады.

Видеоның сипаттамасына жай ғана дата жазылған: «29.08».

Желі қолданушылары мұның мәнін түрліше жорамалдап жатыр. Кей желі қолданушылары мұны жаңа клиптің шығу күні деп топшылаған.

«Танымал Raim мотоциклден құлап, көпшілікті елеңдетті», «Райм, сіз үздіксіз, мен сізді жақсы көремін!», «Қасындағы Мүслім бе? Өз баласын тастап кеткен ерлер, бәлкім, Раймға қарап ұялар? Өйткені әке ұлын атқа мінуге, тауға шығуға, мотоцикл тебуге, шаңғы тебуге, көлік жүргізуге үйретуі тиіс. Ал Райм бұны бөтен балаға өз туғанындай үйретіп жүр. Біз Раймға бар жақсылықты тілейміз», «Құпия», – деп жазды желі қолданушылары.