АҚШ-та 15 жылдан кейін алғаш рет өлім жазасы орындалады

АҚШ-та 15 жылдан кейін алғаш рет өлім жазасы атыс арқылы орындалмақ, деп хабарлайды POLITICO.KZ.

67 жастағы Брэд Сигмон өлім жазасына кесілген. Оған сот өлім жазасының орындалу әдісін таңдауға мүмкіндік берген. Сигмон атыс арқылы өлім жазасын таңдады. Тағы екі әдіс – өлім инъекциясы немесе электрлік орындық болған.

Атыс арқылы орындалатын жазаның тәртібі:

• Сигмонды арнайы орындыққа белбеумен бекітеді
• Басына қара маска кигізеді
• Жүрек тұсына нысана орнатылады
• Оған 4,6 метр қашықтықтан үш мерген оқ атады

Бұл оқиғаға Associated Press агенттігі ерекше назар аударды. Агенттіктің хабарлауынша, өлім жазасын орындауға ерікті түрде қатысатын үш мерген таңдалған.

Брэд Сигмон бұрынғы сүйіктісінің ата-анасын бейсбол таяғымен ұрып өлтіргені үшін өлім жазасына кесілген.

Қазақстанда өлім жазасына тыйым салынған
Қазақстанда 2003 жылдан бері өлім жазасына мораторий жарияланған. 2021 жылы өлім жазасын толық жою туралы шешім қабылданды.

Бұл шешім адам құқықтарын қорғау және халықаралық стандарттарға сай болу мақсатында қабылданған.