Ақтөбеде жалған адвокат 10 миллион теңге жымқырған

Ақтөбеде 26 жастағы ер адам жалған адвокат ретінде 22 тұрғынды алдап, 10 миллион теңге көлемінде ақша жымқырды, деп хабарлайды POLITICO.KZ.

Қалалық полицияға құқықтық көмекке жүгінген азаматтардан шағым түскен. Олардың айтуынша, күдікті өзін адвокат ретінде таныстырып, заңдық қызмет көрсету сылтауымен ақша алып, уәдесін орындамаған.

«Адвокат қызметіне ақы төлеген азаматтар ешқандай көмек алмаған. Қазіргі уақытта 22 жәбірленуші анықталды, жалпы шығын шамамен 10 миллион теңгені құрайды», – деп мәлімдеді Ақтөбе облысы полиция департаментінің өкілдері.

Полицейлер 26 жастағы күдіктіні анықтап, ұстады. Ол қазір уақытша ұстау изоляторында. Алаяқтық фактісі бойынша сотқа дейінгі тергеу амалдары жүргізілуде.

Ақпарат diapazon.kz сайтынан алынған.