Ақтөбеде әжесі мен немересін көлік қағып кеті: әжей көз жұмды

Ақтөбеде 65 жастағы әйел мен оның 9 жасар немересін көлік қағып кеті, деп хабарлайды Диапазон.

Кеше, 3 қыркүйекте Ақтөбе қаласының орталығында жол-көлік оқиғасы болып, 65 жастағы әйел мен оның 9 жастағы немересін көлік қағып кетті. Ауруханаға жеткізілген әйел алған жарақаттарынан көз жұмды.

Ақтөбе облыстық полиция департаментінің мәліметінше, оқиға кешкі сағат 18:10 шамасында Әлия Молдағұлова даңғылында болған. «Lada-21901» көлігінің жүргізушісі жолды белгіленбеген жерден кесіп өтпек болған 65 жастағы әйел мен оның 9 жастағы немересін қаққан.

Полиция қызметкерлері бұл дерек бойынша сотқа дейінгі тергеу басталғанын хабарлады. Автокөлік қазір коммуналдық тұраққа қойылған.

Оқиғаның куәгері болған әйел өзінің Instagram парақшасында оқиғаның қорқынышты болғанын айтып, жүргізушілерді жолда абай болуға және жылдамдықты асырмауға шақырды.