Арман Шораев бостандыққа шықты

Журналист әрі қоғам белсендісі Арман Шораев 20 тәулік әкімшілік қамауда болғаннан кейін бостандыққа шықты, деп хабарлайды Politico.kz. 

Арман Шораев бостандыққа шыққанын әлеуметтік желіде жазба жариялау арқылы көрсетті. 

Жазбаның астына пікір қалдырған желі қолданушылары Шораевты қамаудан босатылуымен құттықтап, жылы лебіздерін білдірген.

Еске салайық, бұған дейін Ақмола облысының полиция департаменті әлеуметтік желілерге жүргізілген мониторинг кезінде былапыт сөздер қолданылған жазба анықталғанын хабарлаған. Осы дерек бойынша әкімшілік іс қозғалып, материал сотқа жіберілген.

Алайда полиция оның нақты не жазғанын және қай жазба туралы сөз болып отырғанын нақтыламады.

Кейін сот шешімімен Арман Шораев 20 тәулікке әкімшілік қамауға алынған еді.