Арқалық прокурорының орынбасары қызметінен босатылды

Қостанай облысы Арқалық қаласының прокурорының орынбасары Ернұр Кенжеғарин қызметінен босатылды, деп хабарлайды POLITICO.KZ.

Облыстық прокуратураның жеке қауіпсіздік бөлімі жүргізген тексеріс нәтижесінде Кенжегарин 2024 жылдың 26 қарашасында Этикалық кодексті бұзғаны үшін жұмыстан шығарылды. Прокуратура мәліметінше, оның әрекеттері жеке беделіне ғана емес, бүкіл органның репутациясына нұқсан келтірген.

Дегенмен, нақты қандай әрекеттері "жаман атаққа" себеп болғаны туралы ресми ақпарат жоқ. Қызметтік тексеріс құпиялығына байланысты бұл мәселе ашық жарияланбайды.

"Кенжеғаринге қатысты қылмыстық іс қозғалмады", – деп мәлімдеді облыс прокурорының бірінші орынбасары Бауыржан Бекбосынов.

Мұндай жағдай "азаматтардың дұрыс бағаламауынан" бүкіл органның беделіне қалай әсер еткенін тек болжауға болады.

Ақпарат zakon.kz сайтынан алынған.