"Артында он баласы қалды". Әйел суға батып бара жатқан қызын құтқарам деп ажал құшты

Мордовияда көпбалалы ана суға батып бара жатқан қызын құтқарамын деп қаза тапты. Артында жасы бір жасқа толмаған баласы бар, жалпы он баласы қалды.

Қайғылы оқиға жексенбі күні кешкі уақытта Ковылкин ауданындағы Мокша өзенінде болған. Юдинцевтер отбасы толық құрамда демалуға келген. Әкесі шатыр құрып жатқан сәтте балалар суға түсе бастаған. Бір мезетте 13 жастағы қыз суға батып бара жатқан, оны құтқаруға анасы мен 17 жастағы үлкен әпкесі Настя секірген. Нәтижесінде, олар қызды аман алып қалғанымен, өздері судан шыға алмай, екеуі де көз жұмды. Әкесі көмек көрсетуге үлгермеген.

Алдын ала мәлімет бойынша, отбасы шомылуға арналмаған жерде суға түскен. Жергілікті билік Юдинцевтер отбасына барлық қажетті көмекті көрсететінін мәлімдеді.