«Әскерде биші болғанмын»: әнші Сембек Жұмағалиев көпшілік біле бермейтін сырын ашты

Танымал әнші Сембек Жұмағалиев «1001 түн» бағдарламасында бұрын-соңды айтпаған естеліктерімен бөлісіп, жұртты таңғалдырды, деп хабарлайды POLITICO.KZ

Өнерде салмақты образы қалыптасқан Сембек кезінде әскерде биші болғанын айтты.

«Екі жыл Түркменстанның Мары қаласында әскери борышымды өтедім. Бізде 25 адамның бәрі ән айтып, би билеп, әмбебап болуы керек еді. Бір жыл — жауынгерлік рота, келесі бір жыл — ансамбльде биші болып, аспаптарда ойнадым. Негізгі шығармашылық жолым сол жерде басталды», — деді ол.

Әншінің бұл мойындауы желі қолданушыларын бейжай қалдырмады. Желіде:

«Керемет әнші, нағыз талант!», «Сондай салмақты, әдепті жан!», «Отбасымызбен жақсы көреміз, көп жаса, Сембек!» деді оқырмандар

Сембек Жұмағалиевтің әскердегі «биші кезеңі» тыңдармандар үшін күтпеген жаңалық болса да, оның жан-жақты өнерпаз екенін тағы бір дәлелдеп берді.