Астана әкімі өз қызметінен кетеді деген қауесетке жауап берді

Астана қаласының әкімі Жеңіс Махмұдұлы Қасымбек өзінің жоғары лауазымға ауысуы мүмкін екендігі туралы тараған қауесеттерге қатысты пікір білдірді. Ол бұл ақпаратты Үркер тұрғын алабының халқымен өткен кездесу барысында жоққа шығарды, деп хабарлайды POLITICO.KZ.

Тұрғындардың бірі әкімге оның басқа қызметке ауысатыны туралы әңгімелердің қаншалықты рас екенін сұраған болатын. Жеңіс Қасымбек бұл сұраққа қысқа жауап берді.

«Бұл қауесет. Өсек-аяңға сенбеңіздер. Қауесеттерге түсініктеме беру әрине, маңызды емес», – деді елорда әкімі.