"Қара адамды көрдің бе?" — балалар арасындағы жаңа ойын елді елең еткізді

Ата-аналар мектеп оқушылары арасында кең таралып кеткен "Қызыл есік, сары есік" атты ойынға қатысты алаңдаушылық күшейіп отыр, деп хабарлайды POLITICO.KZ.

SHOT Telegram арнасының мәліметінше, бұл қатерлі ойын балалардың трансқа түсуіне, галлюцинациялар көруіне және психикалық жай-күйінің бұзылуына себеп болуы мүмкін.

Ойынның ережесіне сәйкес, "ойыншы" көзін жұмып, қолын жоғары көтеріп, "жүргізушінің" тізесіне жатады. Жүргізуші ойыншының самайын уқалап, түрлі сұрақтар қояды: "Қандай есік көріп тұрсың?", "Қандай дәліз алдыңда?", "Қара адамды көріп тұрсың ба?" деген секілді. Ойыншы біртіндеп транс жағдайына еніп, сұрақтарға жауап беруді жалғастырады.

Егер ойыншы жауап беруді тоқтатса, оны дереу ояту керек – әйтпесе, жағдайы нашарлап кетуі мүмкін. Оқушылардың айтуынша, бұл гипнозға ұқсас тәжірибе өзін-өзі тануға, ішкі күйге үңілуге көмектеседі екен. Алайда мамандар мен ата-аналар бұл пікірмен келіспейді.