«Аты – Сириус»: Алагөзовтер отбасының жаңа мүшелерін көрсетті

Қазақстанның танымал продюсері әрі тележүргізуші Баян Алагөзова тағы бір қуанышты оқиғамен жанкүйерлерін шаттыққа бөледі, деп хабарлайды POLITICO.KZ Skifnews.kz ақпарат порталына сілтеме жасап.

Бұл жолы әңгіме – оның отбасына қосылған жаңа сүйіктілер туралы. Баян мен оның жары Тұрсын Алагөзовтер шаңырағына жеті айлық тазы тұқымдас екі сүйкімді итті қабылдаған.

«Тазылар – қазақтың мақтанышы. Бұл иттер шапшаңдығымен, адалдығымен және ақылдылығымен ерекше», — деді ол.

Отбасына адал серік бола алатын бұл жануарлар Алагөзовтердің үйіне ерекше жылу сыйлады. Баян Instagram парақшасында иттердің сүйкімді видеосын жариялап, оқырмандарынан оларға ерекше әрі шығармашылық есімдер ұсынуды өтінді.

Бірақ сюрприз мұнымен бітпейді! Баянның жары Тұрсын оған Instagram-stories арқылы тағы бір тосынсый жасады – биіктігі екі метрден асатын сымбатты тұлпар! «Бұл – саған арналған сыйлық, оның аты – Сириус», – деп Тұрсын жүрек тебірентер сәтті сыйлады.

Тазыларға есім таңдау челленджіне қатысушылар қызу талқыға түскен.

Продюсердің айтуынша, ең керемет есім идеялары оның оқырмандарының арасынан шығатынына сенімді.