Атырау әуежайына ұшақ шұғыл қонды: жолаушы көз жұмды

Ұшу кезінде денсаулығы күрт нашарлаған жолаушы Атырау халықаралық әуежайына қонғаннан кейін қайтыс болды, деп хабарлайды Politico.kz.

Алдын ала ақпаратқа сәйкес, оқиға Түркиядан Ресейге ұшып бара жатқан шетелдік әуе компаниясының бортында болған. Әуе кемесі әуеде болған кезде жолаушылардың бірінің жағдайы күрт нашарлаған. Осыған байланысты экипаж ұшақты Атырау әуежайына шұғыл қондыру туралы шешім қабылдаған.

Алайда ұшақ қонғаннан кейін шетел азаматының қайтыс болғаны анықталды.

Көліктегі полиция департаментінің мәліметінше, қазір оқиғаның барлық мән-жайын анықтауға бағытталған бастапқы тексеру жүргізіліп жатыр.