Айқын Төлепбергеннің бірінші әйелі қыздарын көрсетті

Танымал әнші Айқын Төлепбергеннің бірінші әйелі желідегі парақшасында жазба жариялап, өмірінде қандай өзгерістер болып жатқанын ашық айтты, деп хабарлайды POLITICO.KZ.

Әсел Төлепбергеннің жазуынша, биылғы күз ол үшін оңайға соқпаған. 

"

Қыркүйектің екінші аптасы, жаңа оқу жылының екінші аптасы да аяқталуға жақын. Бұл апта мазасыз өтті: Ансардың тізесіне физиотерапия жасап жүрміз, хирург мен үшін қорқынышты әрі бейтаныс сөз айтты — бурсит. Енді процедураға барып жүрміз, сонымен қатар жаттықтырушыға сенімхат рәсімдеудеміз. Күзгі демалыста команда Ташкенттегі турнирге барады. Мен ұлымның тізесіне алаңдаймын, ал ол болса бабынан айырылып қалам ба деп уайымдайды. Жаттықтырушы хабарламада қатулы смайлик жіберіп: «Маусым жаңа басталды, ал екеуі бірден бір айға қатардан шықты», — деп қосты. Жауап бергім келді… бірақ тоқтадым.

Жөндеу жұмыстары да мәресіне жетіп қалды: үшінші күн қатарынан жиһаз орнатып жатыр, бірақ өлшемдегі қателіктер салдарынан шеберлер үнемі қайта жасап жүр. Кілемдерді химтазалауға бердім. Аулада құрылыс қоқысының тауы жатыр, шығаратын көлік іздеудемін.

Асылым екі жаңа шығарманы үйреніп жүр, біз бірге ноталарды талдап отырамыз. Бұл жерде бір нәзіктік бар: балаға жанында болып, толық көмектеспей, тек бағыт көрсету қажет. Ол үшін темірдей төзім керек, ал бұл, сірә, ата-аналықтың ең ауыр сынақтарының бірі. Кейде ноталардан көзімді алып, терезеден күзге қараймын. Оның жылы, қою түстерін терең жұтқым келеді. Тауда серуендеп, фотосессия жасап жүргендердің стористеріне қызғана қараймын.

Өз-өзімді жүзеге асыру туралы ой да жібермейді, әсіресе қырықтан асқанда қатты сезіледі: кітап фестиваліне романның таныстырылымын дайындау керек. Бір кездері құрылыс жобаларының презентацияларын жасайтынмын, ал қазір өз кітабымның таныстырылымына қалай кірісуді елестете алмаймын. Басқа авторлардың қалай істейтінін қарап жүрмін.

Басымда бір тапсырма ілініп тұр — анкетаны толтыру. Қазанда тағы оқуға барамын. Иә, мен 40+, бірақ әлі де оқып жүрмін. Ана болу жауапкершілігі, тұрмыс пен өзін-өзі жүзеге асыруға ұмтылыстың арасында ең бастысы — күзді өткізіп алмау. Күз сондай қысқа… - деп жазды ол.