«Бала Жамбыл» атанған жас ақынның қазір қайда кеткені белгілі болды

Бірнеше күннен бері аяқ астынан желі қолданушылары «Бала Жамбыл» атанған ақын Жамбыл Дүйсеновке іздеу сала бастады, деп хабарлайды POLITICO.KZ Ulysmedia.kz сайтына сілтеме жасап.

Тик-ток қолданушылары көп іздеген ақын бүгінде дардай азаматқа айналған. Белгілі болғандай, Жамбыл қазіргі уақытта АҚШ-та, нақтырақ айтқанда Нью-Йорк қаласында білім алып жүр. Желіде тараған видеоларда ол ата-анасына Times Square орталығынан сәлем жолдайды.

Біз қазір тура Нью-Йорктың тура ортасындамыз. Біз тұрған Таймс скверге бүкіл адамдар жиналады. Адамдар жанымызда толып жүр. Бұл өте әдемі, күшті жер, – дейді Жамбыл Дүйсенов видеода.

Айта кетейік, жас ақын бұған дейін үш кітап шығарып үлгерген. Ол кезінде ақын Мұхтар Шахановтың батасын алған еді.