"Балаларды ойлаймын": Алматыда күйеуінің мәйітін өртеді делінген әйелдің туыстары пікір білдірді

27 шілде 2026, 11:43 13650

Алматыда полиция қызметкері болған күйеуін өлтіріп, мәйітін өртеді деп айыпталған әйелдің туыстары алғаш рет ел алдына шықты, деп хабарлайды Politico.kz.

Күдіктінің сіңлісі блогер Руслан Өтепбайға берген сұхбатында әпкесінің жасаған әрекеті үшін заң алдында жаза алуына қарсы емес екенін жеткізді.

"Өзімнің ойым, әр адам жасаған қылмысының жазасын алуы керек. Мен бұл жерде балаларды ойлаймын. Олардың болашағы не болады деп. Әпкем қорыққаннан мәйітті Кегенге апарып өртеген. Енді ол балаларымды арашалап қалыңдаршы деп отыр", – деді күдіктінің сіңлісі.

Еске салсақ, Алматы облысының Кеген ауданындағы таулы аймақтан 23 маусымда Әуезов аудандық полиция басқармасының 37 жастағы қызметкері Аслан Әлсеровтің өртенген мәйіті табылған еді.