"Баласы үйден қуып шықты": Ақбота Керімбекова өз шындығын жеткізді

Жақында Астанаға көшкен танымал әнші Ақбота Керімбекова "баласы мен келіні сыйғызбады" деп шулаған жұртқа жауап берді. 

Ол бұл туралы өзінің әлеуметтік желідегі парақшасында жариялады.

«Бұл не масқара? Ұлым мінез көрсеткен жоқ, келінімнен безінбедім, шығармашылық жоспарларыммен Астанаға көштім. Мынадай сұмдықты кім айтты? Жап-жаңа отбасын құрып, үлкен өмірге енді ғана тәй-тәйлап қадам басып келе жатқан жас отбасыны неге бұлай күйелейді? Өз анасын өзекке тебетін менің ұлдарым арсыз емес. Ұлын анасына қарсы қойып, айдап салатын тексіз емес менің келінім!», деп жазды әнші.