БАҚ: Иран АҚШ шабуылы болған жағдайда әскери базасына соққы беруге дайын

Иран, егер АҚШ тарапынан шабуыл жасалса, Тынық мұхитындағы АҚШ-тың Диего-Гарсия әскери-теңіз базасына соққы беруге дайын,  деп хабарлайды POLITICO.KZ .

Бұл туралы британдық The Telegraph басылымы жоғары лауазымды ирандық әскери қызметкерге сілтеме жасап хабарлайды, деп жазады Oxu.Az.

Мәліметке сәйкес, Иран кез келген америкалық шабуылға жауап ретінде АҚШ пен Ұлыбритания бірлесіп пайдаланатын стратегиялық маңызды базаны нысанаға алмақ. Ирандық әскери шенеунік атап өткендей, база кімге тиесілі екеніне — америкалық, британдық немесе түрік әскерилері болсын — Тегеран мән бермейді, егер бұл база АҚШ тарапынан әскери мақсатта қолданылатын болса.

Бұл мәлімдеме АҚШ пен Иран арасындағы шиеленіс күшейіп отырған шақта жасалды. Бұған дейін АҚШ-тың  президенті Дональд Трамп Иран ядролық қарудан бас тартуға келіспеген жағдайда, "бұрын-соңды болмаған ауқымды бомбалаулармен" қорқытқан еді.