"Бәрі бітті...": әзілкеш Тұрсынбек Қабатов мәлімдеме жасады

Белгілі әзілкеш Тұрсынбек Қабатов әлеуметтік желіде қызу талқыға түскен Жүрсін Ерман мен Димаш Құдайбергеннің кездесуіне қатысты пікірін білдірді, деп хабарлайды Politico.kz.

Бұған дейін желіде ақын мен әншінің кездесуі түсірілген бейнежазба тарап, көпшілік арасында түрлі пікір туғызған еді. Өнер иесі ақынның қазақ мәдениетіне қосқан үлесін атап өтіп, жұртты мән-жайды толық білмей тұрып асығыс қорытынды жасамауға шақырды.

"Бәрі бітті, енді Жүрсін аға қалды ма? Қазақ өнерін Жүрсін ағамыз секілді түсінетін адам аз. Ағамыз соңғы кезде ауырыңқырап жүр. Аға, 100 жасаңыз", – деді Тұрсынбек Қабатов.

Сондай-ақ ол парақша иелеріне үндеу жасап, ардақты азаматтардың беделіне нұқсан келтірмеуге үндеді.

"Көп парақшаларға айтарым, көрінген жаңалықтардың ақ-қарасын ажыратпай тұрып, 40–50 жыл ел үшін еңбек етіп жинаған абырой-беделін төкпейік. Керісінше, "ағамыздың жасын берсін Димашқа" деп неге жазбайсыздар?" – деп жазды ол.

Димаш Құдайберген Жүрсін Ерман Тұрсынбек Қабатов Шоу-бизнес

"Бәрі бітті...": әзілкеш Тұрсынбек Қабатов мәлімдеме жасады

Соңғы жаңалықтар