«Бастамай жатып біттім десеңші»: Қабатовтың әйелі фонограмма жайлы пікірін айтты

Тұрсынбек Қабатовтың жары Мөлдір Мұқан егер фонограммамен айтуға тыйым салынса, жанды дауыспен ән айтуға дайын екенін айтты, деп хабарлайды POLITICO.KZ.
Әншілікке бет бұрған ол бұған дейін бір жаңа әнін жарыққа шығарған болатын.

«Мен дайындықты бастап кеттім өз басым. Мен де жанды дауыста ән салғым келеді. Жалпы, шағын орындарда өзім жанды дауыста, аспапта ойнай отырып айтып жүрмін», – деді Мөлдір Мұқан.

Алайда әлеуметтік желі қолданушылары оның әншілік қабілетіне күмәнмен қарады.

«Болмаған дауысты қалай шығарады екен?», «Қорқыт – Қобыз» деген ән шыққан, басқа ешкімді тыңдама», «Мен де жанды дауыста айтқым келеді дейді ме? Сонда бұған дейін жанды дауыста айтпаған ба?», «Бастамай жатып біттім десеңші», – деген пікірлер қалдырды оқырмандар.