"Бес қабырғасы сынған". Ер адам әйелін өлімші етіп сабап тастады

Орынбор облысының Бугуруслан қаласында ер адамға қатысты қылмыстық іс қозғалды. Ол өз әйелін аяусыз соққыға жығып, ауыр жарақат салған.

Тергеу деректеріне сәйкес, күдікті бес жылға дейін бас бостандығынан айырылуы мүмкін. Бұл туралы kp.ru хабарлады.

Тергеу материалдарына сүйенсек, отбасылық жұп үйде алкоголь ішімдіктерін бірге ішкен. Біраз уақыттан кейін мас күйдегі ерлі-зайыптылар арасында жанжал туындаған. Қақтығыс кезінде ер адам әйеліне қол көтеріп, соққы жасады.

Зардап шеккен әйелге медициналық көмек қажет болды. Дәрігерлер оның бес қабырғасының сынғанын анықтады. Қазіргі таңда оқиғаның мән-жайы анықталып жатыр.